Ապրիլի 15-ից մինչ հունիսի 10-ը տեղի ունեցավ «80 ժամ մարքեթինգի շուրջ» թրեյնինգային ծրագրի 1 խմբի դասընթացները:
Թրեյնինգային ծրագրի շրջանակներում ունեցանք թվով 28 հանդիպում/քննարկումներ: Դասընթացի թեմաները բաշխված էին համապատասխան 3 մոդուլների՝
1 մոդուլ՝ 31 ժամ մարքեթինգի և վաճառքների շուրջ
2 մոդուլ՝ 20 ժամ բերնդինգի, PR-ի և հաղորդակցությունների շուրջ
3 մոդուլ՝ 29 թվային ժամ:
Թրեյներներն էին՝ Արմեն Սարգսյանը, Արթուր Արզումանյանը, Մաննիկ Սահակյանը, Նվարդ Մելքոնյանը: Յուրաքանչյուր թրեյներ ներկայացնում էր համապաստասխան թեմաները՝ տեսական և պրակտիկ օրինակների կիրառմամբ: Իրականացվում էին գործնական առաջադրանքներ:
Թրեյնինգի շրջանակներում ունեցանք թվով 3 հյուր խոսնակներ, ովքեր թրեյնինգի մասնակիցների հետ կիսվում էին իրենց փորձով, ներկայացնում պրակտիկ օրինակներ և տալիս գործնական խորհուրդներ:
Այսպիսով, «Մեդիա հարաբերություններ» թեմայի շուրջ որպես հյուր խոսնակ հանդես եկավ Հովհաննես Թովմասյանը, «Մերչնդայզինգ և սպառողական վարքագիծ» թեմայի շուրջ՝ Լիլիթ Շաքարյանը, իսկ «Բրենդինգ» թեմայի շուրջ Ալեքսանդր Գլազունովը:
Թրեյնինգային ծրագրի շրջանակներում կազմակերպվեցին այցելություններ թվով 4 տարբեր ոլորտների առաջատար կազմակերպություններ: Այցելությունները հնարավորություն էին տալիս մասնակիցներին գործնականում տեսնել մարքեթինգի դերը և կիրառումը տարբեր ոլորտներում: Այցերի շրջանակներում մասնակիցների համար իրականացվում էր շրջայց կազմակերպությունների, գործարանի տարբեր բաժիններով:
Այսպիսով, թրեյնինգի մասնակիցները այցելեցին Արմենիա Վայն գործարան, Լրատվական ռադիո, onex.am-ի գրանսենյակ, Digitain Armenia-ի գրասենյակ:
Մեր շրջանավարտների կարծիքները
«80 ժամ մարքեթինգի շուրջ» թրեյնինգային ծրագրում առավել օգտակար և տարբերվող էին այցելությունները տարբեր կազմակերպություններ, քանի որ ավելի մոտիկից էինք ծանոթանում մեր քննարկած նյութերի գործածմանը: Վստահաբար կարող եմ նշել, որ թրեյնինգի շնորհիվ ձեռք բերված գիտելիքներս օգնում են ինձ բարձրացնել աշխատանքային արդյունավետությունս: Թրեյնինգի ամբողջ ընթացքում ապահովված էին գերազանց կազմակերպվածություն և ջերմ մթնոլորտ:
Կարինե Մխիթարյան
Հայաստանի ամերիկյան համալսարան, Ուսանողուհի
«80 ժամ մարքեթինգի շուրջ» թրեյնինգային ծրագրում ինձ առավել դուր է եկել խոսնակների և թրեյներների՝ իրարից կտրուկ տարբեր լինելը և հենց իրենց ներկայությունը, քանի որ ինչքան շատ են, այնքան տարբեր կերպով ես կարողանում դասեր քաղել և վերլուծություններ կատարել: Թրեյնինգի շնորհիվ՝ մարքեթինգի վերաբերյալ առավել հստակ պատկերացումների միջոցով կամրապնդեմ իմ նախընտրած մասնագիտությամբ շարունակելու որոշումը:
Արաքսյա Ալթունյան
MBG Hospitality, Վաճառքի մենեջեր
«80 ժամ մարքեթինգի շուրջ» թրեյնինգային ծրագրում ինձ առավել դուր է եկել բիզնես պլանի կառուցման հնարավորությունը: Թրեյնինգը ինձ տվեց բիզնես պլանի ստեղծման, շուկա մուտք գործելու, դիրքավորվելու մասին օգտակար գիտելիքներ:
Վահե Օսիպյան
«80 ժամ մարքեթինգի շուրջ» թրեյնինգային ծրագրում ինձ առավել դուր է եկել SMM-ի, PR-ի, Ինտեգրված մարքեթինգային կոմունիկացիաների և B2B մարքեթինգի բաժինները: Թրեյնինգը հնարավորություն է տալիս ծանոթանալ իրենց գործի լավ մասնագետների հետ, ստանալ միանշանակ նոր գիտելիքներ, ինչպես նաև արդեն իմացածը ևս մեկ անգամ ամրապնդել:
Մարիամ Մկրտչյան
Grant Thornton Armenia, Մարքեթինգային հաղորդակցությունների մասնագետ
«80 ժամ մարքեթինգի շուրջ» թրեյնինգային ծրագրում ինձ առավել դուր է եկել թվային մարքեթինգի և B2B մարքեթինգի բաժինները: Թրեյնինգը հնարավորություն է տալիս ստանալ տեսական գիտելիքներ:
Վարդուհի Ասատրյան
«80 ժամ մարքեթինգի շուրջ» թրեյնինգային ծրագրում ինձ առավել դուր է եկել թրեյներների պատրաստակամությունը, նյութի մատուցման ձևը, լսարանում տիրող մթնոլորտն: Թրեյնինգը ինձ տվեց մարքեթինգի մասին ընդհանուր գիտելիքներ, որոնց հետագա համալրումն ու կիրառումը կօգնի իմ հետագա գործունեությանը:
Լիլիթ Խաչատրյան
